Léarscáileanna Oidhreachta
Aimsigh nó aithin láithreáin oidhreachta agus déan cíoradh ar thacair shonraí oidhreachta áit ar bith in Éirinn.
Déanann an creat measúnú ar an eolas agus taighde reatha faoin Láithreán Oidhreachta Domhanda iontach seo de chuid EOECNA (UNESCO), agus molann sé straitéis le haghaidh taighde amach anseo ar mhaithe lena bhainistiú go hinbhuanaithe.
Forléargas
Tá Brú na Bóinne – an Choradh sa Bhóinn – ina lárionad tábhachtach deasghnátha, sóisialta agus eacnamaíoch leis na mílte bliain. Tá cáil idirnáisiúnta air mar gheall ar a thuamaí pasáiste Neoiliteacha il-chasta agus tá an bailiúchán is mó d'ealaín mheigiliteach san Eoraip ann. Sa bhliain 1993 ainmníodh é ina Shuíomh Oidhreachta Domhanda UNESCO, ceann de thrí cinn amháin ar oileán na hÉireann.
An Creat
In 2009 d’fhoilsigh an Chomhairle Oidhreachta i gcomhpháirtíocht le Seirbhís Séadchomharthaí Náisiúnta Rialtas na hÉireann Creat-thionscadal Taighde Bhrú na Bóinne de réir dea-chleachtas maidir le Láithreán Oidhreachta Domhanda.
Cuimsíonn an creat:
- Measúnú Taighde a dhéanann achoimre ar staid reatha an eolais ar níos mó ná 6,000 bliain de ghníomhaíocht ag Brú na Bóinne.
- Clár Oibre Taighde a leagann béim ar na bearnaí san eolas sin.
- Straitéis Taighde chun dul i ngleic le ceisteanna gan freagra sa ghearrthéarma agus sa mheántéarma.
Is stórais ollmhóra faisnéise ar stair an duine agus an dúlra iad Láithreáin Oidhreachta Domhanda. Cuidíonn an t-eolas a fhaightear ó thaighde a dhéanamh ar Bhrú na Bóinne le feasacht, luach agus tuiscint, agus is comhábhair ríthábhachtacha iad go léir de bhainistíocht inbhuanaithe.
Nuashonrú
Ba é an creat cháipéis a thiomsaigh an Chomhairle Oidhreachta i gcomhar le grúpaí áitiúla, le hearnálacha ollscoile agus stáit na hÉireann, chomh maith leis an bpobal oidhreachta i gcoitinne, an chéad cheann dá leithéid d’Éirinn agus níl ach ceann amháin de cheithre cinn atá ann ar fud an domhain, is iad Orc, Avebury agus Stonehenge sa RA na trí shampla eile a foilsíodh.
Tá cuid mhaith taighde curtha i gcrích lena n-áirítear tochailtí ar scála mór ag Sí an Bhrú agus Cnóbha, suirbhéanna allamuigh, anailís ar an ealaín mheigiliteach agus plé ar thírdhreach an láithreáin.
Acmhainní
Soláthraíonn foilseachán Chreat Taighde Bhrú na Bóinne stair léirithe agus chuimsitheach de thochailt agus de thaighde ag an suíomh suimiúil seo i gcomhthéacs an chreata nua seo. Le tagairtí luachmhara agus sonraí eolaíocha ann, tá an doiciméad 150 leathanach léirithe le grianghrafadóireacht, líníochtaí agus léarscáileanna stairiúla agus nua-aimseartha.
