Tionscadal oideachais idir an Chomhairle Oidhreachta agus Cartoon Saloon é Puffin Rock Habitats le feasacht agus tuiscint níos mó ar dhúlra agus ar bhithéagsúlacht na hÉireann a chur chun cinn i measc teaghlach ina bhfuil leanaí óga, trí thaispeántas taistil, ceardlanna agus leabhar gníomhaíochta.
Tionscadal oideachais idir an Chomhairle Oidhreachta agus Cartoon Saloon é Puffin Rock Habitats le feasacht agus tuiscint níos mó ar dhúlra agus ar bhithéagsúlacht na hÉireann a chur chun cinn i measc teaghlach ina bhfuil leanaí óga, trí thaispeántas taistil, ceardlanna agus leabhar gníomhaíochta.
Tá Leabhar Gníomhaíochta Fiadhúlra Puffin Rock líon lán le cluichí agus gníomhaíochtaí faoin aer chun cabhrú le leanaí páirt a ghlacadh sa dúlra. Fiosraigh bithéagsúlacht uathúil na hÉireann agus cruthaigh ealaín dúlra. Tá sé ar fáil i nGaeilge agus i mBéarla, tá súil againn go spreagfaidh sé léitheoirí óga leanúint lenár nDomhan fiáin iontach a fhiosrú, a chosaint agus taitneamh a bhaint as.
Íoslódáil Leabhar Gníomhaíochta Fiadhúlra Puffin Rock
Turas taiscéalaíochta do leanaí óga agus do theaghlaigh é Taispeántas Gnáthóg Puffin Rock trí cheithre ghnáthóg aoibhne – Muirí, Idirthaoideach, Talamh Féaraigh agus Bogach. Tá an t-eispéireas foghlama tumthach seo á stiúradh ag Oona agus ag Baba, a bhfuil an-chion orthu, agus tabharfaidh sé eolas duit ar an éagsúlacht shaibhir phlandaí agus ainmhithe ar Puffin Rock, agus ar an gcaidreamh ilghnéitheach idir gach gnáthóg.
De réir mar a fhiosraíonn tú gach gnáthóg, fiosróidh tú iontais spreagúla chéadfacha! Tá eachtraíocht agus gníomhaíochtaí ceilte i ngach gnáthóg trína bhfaighimid tuiscint níos fearr ar na rudaí a dhéanann “áiteanna cónaithe sona sásta” de na háiteanna seo do na plandaí agus do na hainmhithe agus do na cuairteoirí cosúil linn féin freisin!
Taistealóidh Taispeántas Puffin Rock Habitats in 2024 go hionaid i gContaetha Chill Dara, Chill Chainnigh, Chorcaí agus Phort Láirge. Taistealóidh sé in 2025 go hionaid i gContaetha Bhaile Átha Cliath, Chill Mhantáin, Ard Mhacha agus na Gaillimhe.
Fuair an taispeántas taistil cistiú chomh maith trí Ghníomhú Cruthaitheach ar son na hAeráide (Creative Climate Action), tionscnamh atá á chur ar bun faoi Chlár Éire Ildánach a chistigh an Roinn Turasóireachta, Cultúir, Ealaíon, Gaeltachta, Spóirt agus Meán i gcomhoibriú leis an Roinn Comhshaoil, Aeráide agus Cumarsáide.
Garraíodóireachta ar son na Bithéagsúlachta
Is eagraíocht náisiúnta é an tIonad Náisiúnta le Sonraí Bithéagsúlachta a bhailíonn agus a bhainistíonn sonraí ar bhithéagsúlacht na hÉireann chun ár n-acmhainn fiadhúlra a dhoiciméadú agus chun rianú a dhéanamh ar an athrú atá ag teacht uirthi.
Comhpháirtíocht idir Teagasc agus an Chomhairle Oidhreachta í Seachtain Náisiúnta na bhFálta Sceach. Tá de chuspóir ag an tseachtain feasacht a mhúscailt ar thábhacht fálta don talmhaíocht, don bhithéagsúlacht agus don aeráid.
Comhchistíonn an Chomhairle Oidhreachta Líonra Cartlainne Pobail na hÉireann (iCAN); an eagraíocht údarásach a thacaíonn le cartlanna pobail digiteacha in Éirinn.
