Oifigeach Tionchair agus Meastóireachta Oidhreachta – Ardoifigeach Feidhmiúcháin (Conradh Téarma Shocraithe Trí Bliana)
Ag tuairisciú dó/di don Cheann Taighde, Foghlama agus Oidhreachta Cultúrtha, cuirfidh an tOifigeach Tionchair agus Meastóireachta Oidhreachta le haschuir thaighde nua agus le sean-aschuir thaighde de chuid na Comhairle Oidhreachta agus bunóidh sé/sí samhlacha nua le haghaidh bailiú sonraí agus meastóireacht sonraí ar fud earnáil oidhreachta na hÉireann agus go hinmheánach ar fud chláir na Comhairle Oidhreachta.
Sa taighde a rinne an Chomhairle Oidhreachta roimhe seo, díríodh ar mheasúnuithe ar thionchar eacnamaíoch earnáil oidhreachta na hÉireann, ar dhearcthaí a chuir an pobal in iúl arís agus arís eile i leith suirbhéanna oidhreachta, ar chleachtaí mapála geallsealbhóirí, ar anailísí ar chistiú ón státchiste don oidhreacht, agus ar anailísí ar an gcistiú deontais atá ar fáil do thionscadail oidhreachta.
Áit Oibre
Is í ceanncheathrú na Comhairle Oidhreachta ag Áras na hOidhreachta, Lána an Teampaill, Cill Chainnigh, a bheidh san áit oibre. Agus an tábhacht a bhaineann le cothromaíocht oibre is saoil á haithint aici, tacaíonn an eagraíocht le raon roghanna solúbtha, lena n-áirítear obair chumaisc agus amanna tosaigh agus críochnaithe solúbtha.
Conas Iarratas a Dhéanamh
Chun iarratas a dhéanamh, seol litir chumhdaigh (nach mó ná dhá leathanach) chuig Martina Malone ag mmalone@heritagecouncil.ie, agus teideal an róil luaite i líne an ábhair, agus tú ag leagan amach cén fáth a bhfuil spéis agat sa deis agus conas, dar leat, a chomhlíonann do chuid scileanna, eolais agus taithí ceanglais an róil. Ceangail curriculum vitae (CV) cuimsitheach freisin ina léirítear go soiléir na héachtaí agus an taithí ábhartha i do ghairm go dtí seo.
Ceisteanna/Tuilleadh Faisnéise
Má theastaíonn tuilleadh faisnéise uait nó más mian leat plé rúnda a shocrú maidir leis an deis, seol ríomhphost chuig mmalone@heritagecouncil.ie
Dáta Deiridh
Tabhair faoi deara gurb é an 29 Bealtaine 2026 an dáta deiridh a ghlacfar le hiarratais. Ní bhreithneofar aon iarratais a gheofar tar éis an dáta agus ama deiridh.