Comhchistíonn an Chomhairle Oidhreachta Líonra Cartlainne Pobail na hÉireann (iCAN); an eagraíocht údarásach a thacaíonn le cartlanna pobail digiteacha in Éirinn.
Comhchistíonn an Chomhairle Oidhreachta Líonra Cartlainne Pobail na hÉireann (iCAN); an eagraíocht údarásach a thacaíonn le cartlanna pobail digiteacha in Éirinn.
Is é a phríomhaidhm pobail a spreagadh agus tacú leo chun a stair agus a n-oidhreacht áitiúil a bhailiú agus a roinnt ar líne.
Thacaigh iCAN le 36 cartlann ar líne a chruthú go dtí seo i gContae an Chláir, Chorcaí, na Gaillimhe, Mhaigh Eo, Thiobraid Árann agus Chill Mhantáin. Tá mar aidhm ag an tionscadal tacú le 80 cartlann dhigiteach, ar a laghad, a fhorbairt ar fud na hÉireann faoin mbliain 2028.
Is tionscnamh é iCAN de chuid Ard-Mhúsaem na hÉireann atá á sholáthar i gcomhar leis an gComhairle Oidhreachta, le hOifigigh Oidhreachta ó údaráis áitiúla rannpháirteacha agus le hoibrithe deonacha pobail in Éirinn agus thar lear.
I ngeall go bhfuil go leor d’oidhreacht chultúrtha ábhartha agus dholáimhsithe na hÉireann faoi chúram agus úinéireacht a saoránach agus a diaspóra, tá iCAN ag cur ar chumas pobal áitiúil a stair, oidhreacht agus cultúr féin a dhoiciméadú ar ardáin dhigiteacha agus é a chur ar fáil do dhaoine fud fad na cruinne.
Is féidir leat páirt a ghlacadh. Fiosraigh, rannchuidigh nó déan obair dheonach le ballchartlann iCAN.
Is eagraíocht náisiúnta é an tIonad Náisiúnta le Sonraí Bithéagsúlachta a bhailíonn agus a bhainistíonn sonraí ar bhithéagsúlacht na hÉireann chun ár n-acmhainn fiadhúlra a dhoiciméadú agus chun rianú a dhéanamh ar an athrú atá ag teacht uirthi.
Cuireann an ICRI caomhnú agus athchóiriú oidhreacht chultúrtha na hÉireann chun cinn.
Comhoibriú atá i gceist leis seo idir an Chomhairle Oidhreachta agus Coimisiún Fulbright a chuireann deis a chistítear go hiomlán ar fáil do Scoláirí agus Gairmithe Éireannacha a oibríonn san earnáil oidhreachta cultúrtha chun léachtóireacht nó taighde a dhéanamh ag institiúidí nó ag eagraíochtaí ardoideachais sna Stáit Aontaithe