Spreagtar ceardaithe na hÉireann chun slí bheatha a dhéanamh san oidhreacht thógtha

Is comhshaothar é an Clár Scileanna Oidhreachta Uile-Éireann idir The Prince’s Foundation, an Chomhairle Oidhreachta agus Roinn Comhshaoil Stairiúil na Roinne Pobail (HED).

I mbliana, tá ocht sparánacht ar fáil do dhaoine atá ag obair nó i mbun staidéir ar scileanna oidhreachta agus san earnáil tógála cheana féin – ach go háirithe sa tsaoirseacht chloiche, cearpantóireacht, siúinéireacht, bríceadóireacht, gaibhneacht dhubh, plástráil, tuíodóireacht, díon, tíliú, péinteáil agus maisiú – agus ar mhaith leo a gcuid scileanna a ardú go dtí an chéad leibhéal eile.

Cúrsa 12 mhí is ea an Clár Scileanna Oidhreachta Uile-Éireann. Tugann sé taithí agus oiliúint phraiticiúil i réimse leathan scileanna éagsúla tógála oidhreachta ar fud oileán na hÉireann. Tabharfaidh na rannpháirtithe faoi Dioplóma NVQ3 i Scileanna Oidhreachta freisin, arna mheasúnú trí Ionad Scileanna Oidhreachta HED i Maigh Rath, Co.an Dúin.

Gheobhaidh na hiarratasóirí rathúla an deis a gcuid scileanna a fheabhsú ag Scoil Samhraidh in Eastát Theach Dumfries san Alban, ag Scoil Gheimhridh i gCill Chainnigh, agus ag socrúcháin tionscail ar fud oileán na hÉireann.

Dúirt Simon Sadinsky, Stiúrthóir Feidhmiúcháin Oideachais sa Prince’s Foundation:

“Tá éileamh á méadú chun oiliúint a chur ar an gcéad ghlúin eile de dhaoine ceardaíochta a oibreoidh laistigh dár dtimpeallacht thógtha. Is ann don an riachtanas seo lenár dtírdhreach stairiúil reatha a chaomhnú chomh maith lenár sócmhainní oidhreachta amach anseo a chruthú go híogaireach. Mhúin ár dtaithí ag The Prince’s Foundation dúinn an tábhacht a bhaineann lena leithéid a dhéanamh ar bhealach idirdhisciplíneach a chuireann nochtadh do cheirdeanna, ábhair agus cleachtais eile ar fáil agus a chruthaíonn spás do mhalartú eolais agus d'fhoghlaim chomhroinnte. Tá lúcháir orainn a bheith i gcomhpháirtíocht chun clár trasteorann nuálach den sórt sin a sholáthar agus creidimid go gcuirfidh an clár bunús tionchair agus spreagúil ar fáil do cheannairí san earnáil amach anseo ”.

Dúirt Iain Greenway, Stiúrthóir na Rannóige Comhshaoil Stairiúla sa Roinn Pobal:

“Chun bonn scileanna inmharthana agus inbhuanaithe a chur ar fáil chun struchtúir stairiúla a chaomhnú, ní mór go leor daoine a bhfuil príomhscileanna oidhreachta acu a bheith ann. Tá ríméad orm go bhfuilimid in ann ról lárnach a imirt trínár nIonad Scileanna Oidhreachta i Maigh Rath. Tá bealach rathúil cruthaithe ag an gClár Scileanna Oidhreachta Uile-Éireann cheana féin chun na scileanna sin a fhorbairt agus mholfainn do dhaoine smaoineamh ar iarratas a dhéanamh ar scéim na bliana seo ”.

Dúirt Virginia Teehan, Príomhfheidhmeannach na Comhairle Oidhreachta:

“Tá sé tráthúil agus muid ag cur tús leis an dara bliain den Chlár tábhachtach seo, go bhfuil tosaíochtaí leagtha amach ag an gComhairle Oidhreachta do na cúig bliana amach romhainn inár bPlean Straitéiseach nua. Is plean é a leagann béim ar leith ar chaomhnú scileanna tógála traidisiúnta agus an ról lárnach a bheidh ag an oideachas maidir leis na scileanna seo a chumasú le fanacht, ach a bheith rathúil. Faraor, tá go leor scileanna ríthábhachtacha á gcailleadh agus tá tionchar an chaillteanais sin le braistint ag na hearnálacha oidhreachta agus tógála. Is príomhghné é leanúint agus forbairt an Chláir Scileanna Oidhreachta Uile-Éireann chun aghaidh a thabhairt ar an bhfadhb seo agus táimid ag tnúth le comhoibriú níos doimhne lenár gcomhpháirtithe i The Prince’s Foundation agus an Roinn Comhshaoil Stairiúla."

Le haghaidh tuilleadh eolais ar an bpróiseas iarratais, critéir, dátaí, maoiniú téigh chuig Education - All-Ireland Heritage Skills Programme (princes-foundation.org) nó déan teagmháil le comhordaitheoir an chláir Hugh Kavanagh trí ríomhphost: Hugh.Kavanagh@princes-foundation.org